Yeni Nəsil İqtisadiyyat İndeksi (YNİİ) 2025 15 ölkəni əhatə edən və 10 əsas komponent üzrə ölçülən ilk qlobal hesabatdır. Bu indeks rəqəmsallaşma, innovasiya, kreativ sənayelər və yaşıl iqtisadiyyat sahələrində ölkələrin mövqeyini göstərərək, gələcəyin iqtisadi inkişaf xəritəsini təqdim edir.

Təqdim edilən iş Azərbaycan Respublikasının İqtisadi Elmi Tədqiqat İnstitutu tərəfindən hazırlanmış və Kiçik və Orta Biznesin İnkişafı Agentliyi, İqtisadi Zonaların İnkişafı Agentliyi və Azərbaycan Respublikasının İxracın və İnvestisiyaların Təşviqi Agentliyi tərəfindən aparılmış sorğu nəticələrinin təhlilidir. Tədqiqat işi biznes müəssisələrinin rəhbərləri arasında 2025-ci ilin dekabr ayında aparılmış sorğunun nəticələrinə əsaslanır.

Biznes inam indeksinin hesablanması iqtisadi təhlildə və qısa müddətli proqnozlarda mühüm rol oynayır. Biznes İnam İndeksi real sektor müəssisələrinin biznes fəaliyyəti ilə bağlı cari vəziyyətini və gözləntilərini əks etdirən mürəkkəb iqtisadi göstəricidir. Bİİ-nin qiymətləndirilmə metodologiyası iqtisadi fərziyyələrə əsaslanır. Biznes sorğuların nəticələri əsasında iqtisadiyyatın müxtəlif sahələrində: sənaye, xidmət, tikinti və pərakəndə ticarətdə iqtisadi fəaliyyətin müxtəlif aspektləri üzrə qiymətləndirmə aparılır.